პედაგოგიური პრაქტიკის კვლევის სანახავად გადადით ბმულზე

How to Make a Lantern with Yarn | Gorgeous DIY Yarn Orbs | How to Make B...

მოსწავლეთა საზრიანობისა და მასალის პრაქტიკაში გამოყენების მიზნით, სხვადასხვა სახის ამოცანებს  განსხვავებული ხერხებით ვაკეთებთ, რაც გვეხმარება  უკეთესად დავეუფლოთ  მასალას.

სასწავლო პროექტი ,,ნუგეში''

2018-1019 სასწავლო წელს მე-11 კლასის მოსწავლეების ინიციატივით გავაკეთეთ პროექტი ,,ნუგეში'', რაც ითვალისწინებდა მოხუცთა თავშესაფარში ვიზიტს და მათი ცხოვრების პირობების გამრავალფეროვნებას. პროექტის ხანგრძლივობა გახლდათ ერთი თვე, ოთხი ვიზიტი.

სოციალური პროექტი თემაზე:  ,, ნუგეში“.

პროექტის მიზანი:  სოციალური ადაპტაცია, თანადგომისა და სხვაზე ზრუნვის უნარის გამომუშავება მოზარდებში.

პროექტის ავტორები:   # 191 საჯარო სკოლის  XI კლასის მოსწავლეები.

პროექტის ხელმძღვანელი:   ნინო გურული

2018-2019 სასწავლო წელი

სკოლა:   ქალაქ  თბილისის # 191 საჯარო სკოლა

კლასი:   XI ^ბ კლასი

პედაგოგი:  ნინო გურული

მოსწავლეთა რაოდენობა : 12 მოსწავლე.

პროექტის განხორციელების ვადა:  ერთი თვე. ( 28.11. 18—27.12. 18)

პროექტის დასახელებაა:   ,,ნუგეში ’’.

პროექტის მიზანი:  მიზანი:  სოციალური ადაპტაცია, თანადგომისა და სხვაზე ზრუნვის უნარის გამომუშავება მოზარდებში.

შესავალი

       მოსწავლეთა სოციალური ადაპტაცია,  გულისხმობს მოზარდებში შემწყნარებლობის, თანადგომისა და პატივისცემის უნარების გამომუშავებას, რაც ხალს უწყობს მათ მორალურ განვითარებას.

        სხვებზე ზრუნვა მოსწავლეებს ეხმარება საკუთარი თავის აღთქმაში, სხვისი ღირებულებების შეფასებასა და პატივისცემაში, ემოციების და მდგომარეობების საკუთარ თავზე გადმოტანასა და თანადგომის უნარის გამომუშავებაში. მოზარდებში ემპათიის უნარის გამომუშავება თანდათანობით უნდა მოხდეს, რაც სხვისი ემოციის გაგებას,  წვდომას და თანაგანცდას გულისხმობს.

      პროექტის განხორციელების იდეა დაიბადა   კლასის საათზე, თემიდან გამომდინარე ,,ვის შეიძლება დასჭირდეს შენი თანადგომა დღეს“. საინტერესო საუბრებისა და მოსაზრებების ფონზე გაჩნდა იდეა მოგვენახულებინა მოხუცთა თავშესაფარი, გავცნობოდით მათი ცხოვრების პირობებს, შეგვეტანა  თუნდაც მცირედი მრავალფეროვნება მათ ყოველდღიურ რუტინაში.

აქტივობა 1) ინფორმაციის შეგროვება უახლოესი მოხუცთა სახლის შესახებ, დროის შეთანხმება ვიზიტთან დაკავშირებით.

აქტივობის მიზანი: მოხუცთა სახლში მცხოვრებთა გაცნობა,  პირველი გაცნობითი ინფორმაციის მოძიება  მათი მდგომარეობის და შესაძლებლობების ფარგლებში.

  მოვიძიეთ ინფორმაცია, შევთანხმდით ავჭალის ტერიტორიაზე მდებარე ერთ-ერთი სახლის დირექტორთან ვიზიტზე, გამოგვიყვეს რამდენიმე საათი სტუმრობისთვის, დავგეგმეთ სხვადასხვა აქტივობები მათი გაცნობისა და მეგობრული  ურთიერთობის ჩამოყალიბების მიზნით,  წინასწარ გამზადებული თვალსაჩინოებების დახმარებით  შევთავაზეთ მარტივი ლოგიკური  თამაში ფიგურების გადადგილებაზე, ურთიერთობამ  თანდათან გახსნილი და მხიარული ხასიათი მიიღო.

აქტივობა 2)  მასალების შეგროვება თვითნაკეთი ნივთების დასამზადებლად.

აქტივობის მიზანი: მოხუცთა ყოველდღიური საქმიანობის შეცვლა, გამრავალფეროვნება.

      შევაგროვეთ ძველი ნივთები, სხვადასხვა ფერის ქსოვილები, პლასტმასის ქილები, ბისერები, მძივები, წებო, მუყაოს ქაღალდი, თხელი ხის ფირფიტები და სხვა. დავამზადეთ თვითნაკეთი სურათის ჩარჩოები, გავაფორმეთ სხვადასხვა ფერადი ნივთებით, შევღებეთ, დავამაგრეთ თვლები. მათი ნამუშევრები  საჩუქრად გადავეცით ერთ-ერთ მეხუთე  კლასის მოსწავლეებს, რომლებშიც  თავიანთი  ნახატები მოათავსეს,  დღე საკმაოდ საინტერესო იყო როგორც სოციალური ურთიერთობის განვითარებისთვის ასევე ხანდაზმულთა ყოველდღიური სხოვრების გამრავალფეროვნებისთვის.

აქტივობა 3. მხატვრული, შემოქმედებითი საღამოს მოწყობა.

აქტივობის მიზანი: მოვაწყოთ  შემეცნებითი  საღამო, ლექსების, მოთხრობების და ჩანახატების წარმოდგენით მოსწავლეები გაახსენებენ ქართველ მწერლებსა და პოეტებს, გააცნობენ თანამედროვე ლიტერატორების ნამუშევრებს.

საინტერესო გახლდათ ის რომ საკმაოდ ბევრი ნაწარმოები ზეპირად გადმოგვცეს მასპინძლებმა, გაიხსენეს და გვიამბეს თუ რომელი წიგნი, ნაწარმოები, მწერალი უყვართ ყველაზე მეტად, მათ აჩვენეს მოსწავლეებს,რომ საკმაოდ კარგი განათლება მიუღია ზოგიერთ მათგანს, თუმცა დღევანდელი ცხოვრების პირობები მაინც გამოუვალი მდგომარეობის შედეგია, მათ ყველაზე მეტად სურთ იცხოვრონ საკუთარ შვილებთან, შვილიშვილებთან და ახლობლებთან ერთად რასაც ვერ ახერხებენ სხვადასხვა მიზეზთა გამო.

აქტივობა 4. წინასაახალწლო განწყობის შექმნა მოხუცთა სახლში.

აქტივობის მიზანი:  შევუქმნათ სადღესასწაულო განწყობა, გავულამაზოთ კიდევ ერთი დღე, შევცვალოთ მუდმივი დღის რუტინა საინტერესოდ.

დიდ ფორმატზე  ერთობლივად შევასრულეთ ზამთრის სურათი, უამრავ თოვლის ფიფქებში ციგები და თხილამურებიც შეერია, ასევე თოვლის ბაბუა და დიდი მორთული ნაძვის ხე. ნახატი ოთახის იმ კუთხეში ჩამოვკიდეთ  სადაც ჩვენს მიერ დამზადებული სათამაშოებით მორთული ნაძვის ხე დავდგით,  საინტერესო და ემოციური დღე საახალწლო სიმღერით  და ცეკვებით დავასრულეთ.  მოხუცებს ჩვენს მიერ შეგროვებული ტკბილეული მივართვით.

რეფლექსია ჩატარებული სოციალური პროექტის შესახებ: ,,ნუგეში“

პროექტის მიზანი:  სოციალური ადაპტაცია, თანადგომისა და სხვაზე ზრუნვის უნარის გამომუშავება მოზარდებში.

      მოხუცთა თავშესაფარში   ვიზიტმა  დიდი  გამოცდილება  და  სიყვარული შესძინა მოსწავლეებს, მიხარია, რომ ამდენი სითბოს, თანაგრძნობის და სიყვარულის გამოვლენა, გაცემა, ნუგეშისმოცემა მოახერხეს ბავშვებმა. რეალობაში მოუხდათ დაენახათ ჩვენი ცხოვრების თანმდევი ერთ-ერთი პრობლემა, რომელიც ყველასთვის შეიძლება რეალური გახდეს.  

პროექტის განხორციელება მაგალითისმიმცემია ყველა  მოსწავლისთვის, რაც უფრო მეტ სითბოს და სიყვარულს გასცემენ უფროსების მიმართ, დააფასებენ მათ შრომას და ამაგს, მეტად შემწყნარებლები და ტოლერანტები გაიზრდებიან.

 კარგი იქნება, თუ პროექტის განხორციელების იდეას სხვა პედაგოგებიც გაითავისებენ და რაც შეიძლება მეტი მოსწავლე ჩაებმება აღნიშნულ კეთილ საქმეში.

პროექტის განხორციელების პერიოდში, ვირუსული ინფექსიებისაგან დაცვის მიზნით პირბადეები გამოვიყენეთ, აღმოჩნდა რომ თავშესაფრის მცხოვრებლებმა ეს შეურაცყოფად მიიღეს, გვითხრეს, რომ მათ არაფერი ცუდი და გადამდები არ სჭირდათ, ჩვენ მოვუბოდიშეთ და ავუხსენით,რომ პირიქით, ჩვენ გვინდოდა დაგვეცვა ისინი გავრცელებული ინფექციებისაგან.

  უნდა ავღნიშნოთ, რომ გვქონდა სურვილი დამატებითი რესურსებით გაგვეუმჯობესებინა  ყოველდღიური ცხოვრების პირობები, შემოგვეღობა პატარა ეზო, რომელიც მათთვის გასასვლელ, დასასვენებელ ადგილად მოიაზრება და  ზაფხულის პერიოდში უკეთეს გარემოს შევუქმნიდით მათ, მაგრამ სამწუხაროდ ვერ მოვახერხეთ სპონსორების მოძიება, საკუთარი სახსრებით ამის გაკეთებას კი ვერ შევძელით.

მადლობას ვუხდით მშობლებს, სკოლის დირექციას დახმარებისთვის.

პროექტმა  მოსწავლეებს ასწავლა  თანადგომა,  ზრუნვა, სხვისი ემოციების გაზიარება და პატივისცემა,  დაანახა  პასუხისმგებლობა საკუთარი მშობლების და ოჯახის წევრების მიმართ.

მასწავლებელი: ნინო გურული
საგანი:                                            მათემატიკა	კლასი: VII
თემა:  სამკუთხედების ტოლობის ნიშნების  პრაქტიკული გამოყენება	დრო: 45 წუთი.
მოსწავლეთა პროფილი:   28 მოსწავლე ; სპეციალური საგანმანათლებლო  საჭიროების მქონე მოსწავლე არ არის.
ეროვნული გეგმის სტანდარტი: მათ. VII. 13.მოსწავლეს შეუძლია გეომეტრიული ამოცანების ამოხსნა სამკუთხედებთან დაკავშირებული ცნებებისა და ფაქტების გამოყენებით. მათ. VII.9. მოსწავლეს შეუძლია  გეომეტრიული ფიგურების ამოცნობა და კლასიფიკაცია.  მათ. VII.10. მოსწავლეს შეუძლია გეომეტრიული ობიექტების წარმოდგენა ამოცანის კონტექსტის შესაბამისად.
გაკვეთილის მიზანი: ·       მოსწავლეებმა, ჩატარებული გაზომვების საშუალებით, გამოიყენონ სამკუთხედების ტოლობის ნიშნები  პრაქტიკული მაგალითების ამოხსნისას. ·       პრობლემაზე ორიენტირებული საკითხის გადაწყვეტა სამკუთხედების ტოლობის  ნიშნების  გამოყენებით.
საჭირო წინარე ცოდნა და უნარ-ჩვევები: ·       შეუძლიათ  სამკუთხედების კლასიფიკაცია გვერდებისა და კუთხეების მიხედვით. ·       სამკუთხედების ტოლობის ნიშნები. ·       ორი შეფარდების ტოლობის( პროპორციულობის) თვისება. ·       შეუძლიათ ჩაატარონ მათემატიკური გამოთვლები. ·       შეუძლიათ  მასშტაბის საშუალებით ზუსტი ზომების დადგენა. ·       ვერტიკალური კუთხეების თვისება. ·       ფიგურათა სიმეტრიულობა.
მოსწავლეთა შეფასება. ტიპი:  განმსაზღვრელი შეფასება; შეფასების ინსტრუმენტი:  საკლასო დავალებების  შეფასების რუბრიკა (დანართი 1);
სასწავლო მასალა და რესურსები:  სასწავლო სახელმძღვანელო.(მათემატიკა VII კლასი, გოგოშვილი ვეფხვაძე, და სხვა) სამუშაო რვეული, კალამი, სახაზავი,   თაბახის ფურცლები, ფლიპჩარტები, მარკერები, ცარცი, დაფა, მაგნიტები, გამომთვლელი.
გაკვეთილის მსვლელობა: 1.    ვამოწმებ მოსწავლეთა დასწრებას. (ორგანიზაციული მხარე). 2.   ვაცნობ გაკვეთილის თემას და მოტივაციის ამაღლების მიზნით ვესაუბრები მოცემული თემის საჭიროებაზე. 3.   მოსწავლეებს ვაცნობ დღევანდელი გაკვეთილის  შეფასების რუბრიკას.(2-3 წთ) აქტივობა1.წინარე ცოდნის დადგენა:(8-10 წუთი). აქტივობის მიზანი: ახალი მასალის გაგებისათვის მზაობა. ნასწავლი მასალის გახსენება. აქტივობის აღწერა:    აუცილებელი წინა ცოდნის დასადგენად ვიყენებ ზეპირ გამოკითხვას. 1)    სამკუთხედების კლასიფიკაცია გვერდებისა და კუთხეების მიხედვით, 2)    სამკუთხედების ტოლობის ნიშნები ( დანართი 2) 3)    სამკუთხედების კუთხეების კამი.      4) გავიხსენებთ პროპორციის თვისებას       5) რას ეწოდება მასშტაბი და როგორია მისი საჭიროება პრაქტიკაში. 1)    აქტივობა 2.  სამკუთხედების  ტოლობის პირველი ნიშანი. ნიმუშის მიხედვით ფორმულის გამოყენება და პრობლემის გადაწყვეტა. აქტივობის მიზანი: სამკუთხედის ტოლობის ნიშანის პრაქტიკაში გამოყენება. აქტივობის აღწერა: ფორმატზე შესრულებული ნახატის მიხედვით მოსწავლეებმა უნდა შეძლონ მიუდგომალ ადგილამდე მანძილის დადგენა, ჩაატარებენ მარტივ გამოთვლებს, გამოიყენებენ მასშტაბს და დაადგენენ უცნობ მანძილს.( ესკიზები არის მართკუთხა, მახვილკუთხა და ბლაგვკუთხა სამკუთხედებისათვის.) აქტივობა 2. სამკუთხედების ტოლობის მეორე ნიშანი.  შესრულებულ ნახატზე უნდა დაადგინონ ნაპირიდან,  ხევის მეორე მხარეს ობიექტებამდე მანძილი. აქტივობის მიზანი: სამკუთხედების ტოლობის ნიშნის გამოყენება მის მიერ ჩატარებული გარდაქმნებით და ახალი სამკუთხედების აგებით. აქტივობის აღწერა: მოცემულ ნახაზზე, მოსწავლე აგებს სიმეტრიულ ხაზებს, ცენტრული სიმეტრიის გამოყენებით აგებს ახალ სამკუთხედებს და მათი საშუალებით ადგენს  ტოლ ელემენტებს მიღებულ ნახაზზე ,სამკუთხედების ტოლობის ნიშნის გამოყენებით ამოიცნობს ტოლ გვერდებსა და კუთხეებს და პოულობს მიუწვდომელ ობიექტამდე მანძილს.                                                                                        აქტივობა 3.  ცოდნის პრაქტიკაში გამოყენებით  პრობლემის გადაჭრა. (10-12 წთ) აქტივობის მიზანი:  მოსწავლეებმა შეძლონ სამკუთხედების ტოლობის ნიშნის  გამოყენება  პრობლემური საკითხების გადასაჭრელად. აქტივობის აღწერა: მოსწავლეებს ვანაწილებ წყვილებში, ვურიგებ წინასწარ გამზადებულ ნახატებს, სადაც მოცემულია  სამკუთხა კარვები, ბუნებაში გასვლითი, საექსკურსიო ღონისძიებისთვის. ხოლო მეორე ფორმატზე აქვთ ბუნების სურათი, სადაც მათ უნდა მოახერხონ აღნიშნული ზომების მიხედვით კარვის ჩადგმა, შესაბამისად მოუწევთ ჩაატარონ მარტივი გაზომვები და გამოიყენონ სამკუთხედების ტოლობის ნიშნები პრაქტიკაში, პრობლემის გადაჭრისათვის. მათ აქვთ არჩევანი ორადგილიანი, ოთხადგილიანი და ექვსადგილიანი კარვების არჩევისა, აქვთ შერჩეული ზომები თითოეული კარავისთვის. მოუწევთ სხვადასხვა შემთხვევების განხილვა, რათა მითითებულ ზომებში შეძლონ ჩაატიონ მოცემული სიდიდის კარვები. პრეზენტაციას წარმოადგენს რამდენიმე წყვილი, არჩეული ზომის კარვების  შესაბამისად,  შევასწორებთ ცდომილებებს კუთხეებისა და გვერდების აგებისას. მოვნახავთ ტოლ სამკუთხედებს, დავადგენთ მასშტაბის სისწორეს. მოსწავლეებს შევაფასებ შეფასების რუბრიკის შესაბამისად. ვუნიშნავ დავალებებს მასალის უკეთესად დაუფლების მიზნით.